Noiantri

Gò fato un mucio de novi amici ntel "Libro dei Musi" nei ultimi zorni. E lori, i mi domandano ndove abito, come che ze la nostra vita, da noiantri che vivono quà, in sud Brasile e così via. par questo, gò metesto due o trè ritrati in sto post par darghe sicurassion ai nostri fradèi vèneti che la tradission la è viva oramai, gnanca quà, massa luntan da La Serenìssima.

Venèssia dipinta su i muri dela casa da Mansueto Bernardi, poeta, a Veranópolis

Da un bel canto popolare "Bisogna ricordarsi dei nostri bisnoni":

Vardé adesso, me cari fradèi,
che cità e che bele colonie;
tante strade e che grande industrie
che i gá fato per noi aver più sorte;
Noi quà adesso gavemo de tuto;
Ascolté cosa che mi ve digo:
ricordeve de i nostri bisnoni
che adesso i è là ‘ntel paradiso!

Abiamo trovato la cucagna sensa smentegarse mai da Dio, che 'l ze il pupà da tuti noiantri

 

Fra tute le regione dal Brasile, siamo la region che fà vin de pì e anca 'l vin pì bon. Co 'l ze bonissimo, 'l se ciama "vin del ciodo", ma non sò mia perchè. Femo grosse sagre a Febràio, co riva la vendemia.

La lingua veneta è viva, nei cartèi dei negozi, nel parlar da tuti i zorni, nela radio... mezo smissiàda col portoghese, la poareta, ma viva.

Questo è il periodista Iotti, che 'l ze nato a Caxias e 'l fà fròtole e stòrie da rìdar in talian e anca in portoghese col "sotacòn" (accento italiano). Stè mia bestemar, vècio, che l'è pecà!

  

Questo è uno fra tanti libri del megio scritor e eroe dela tradission veneta ntel Rio Grande, professor Darcy Loss Luzzatto, nato a Nova pompeia. Lu, 'l ghe dise cussì:

Com' è bela 'a nostra lèngua, com'è melodiosa e poetica

Basta parlada con orgòlio e alegria, mai con paura, o co la boca streta e vergognosa,

E sì con onor, con tanto amor e simpatia 

 

Dele olte, tuti noiantri metemo i abiti e socoli dei noni, le braghe da bombazina, il grumial, il fassolet in testa, la sporta da dressa... par far onore ai imigranti, ai nostri antenati pien di coraio che i cantava cossìta co i ze rivadi nela Mèrica:

Quando sarem' in Mèrica,

la terra ritrovata,

noi ghe'darem' la zapa

ai siori del Trentin

E con i bafi, di quei siori,

noi li faremo tanti spasseti,

sol per pulire i stivaleti

quando in Italia, ritornarem' 

Sto quà è il Museo Domingos Battistel, a Nova prata, vissìn a Bento.

 

E alcuni i gà fato fortuna, schei, fiorin infati, come i Castellani, a Nova Trento, con loro mobilificio...

... i Randon, a Caxias, con i camioncini e adesso, con il formàio, le pòmi, 'l vin da ciodo...

... i Salton, i Valduga, i Miolo e tanti altri a Bento, con 'l vin, la sgnape (graspa) e i spumanti.

Ma zelo qui da magnàr? Mi domanderebe voiantri. Noiantri femo polenta moderna, col paiolo eletrico, par mi, ze il megio magnàr dal mondo, brustolada, pastissiada, pena cota, col galeto, con formài, con tòcio...

  

femo sculture con la polenta...

A mi me piase 'l cren, 'na radìse gratà sot'acet, da magnar col lesso, 'l pien e i capeleti 

Femo anca dei salami, ossacoli, cope, scodeghini... come se ghe dise: a maridarsi, si sta ben un mes; a copar il purcit, si sta ben un àn! Heheh.

Gavemo anca dei pietanze degne da servire a un doxe, come sto risoto con i scampi, che si fà nel ristorante dala Escola de Gastronomia - ICIF, a Nova Trento/Flores da Cunha, andove son andata a diventar na coga pì fina - a provar, almeno!

Ben, amici dal "Libro dei Musi", speto da gaver fato 'na bona spiegassiòn da la nostra cultura, dei taliani dal sud Brasile, a tuti voiantri, veneti, trentini, furlani dala terra madre. Ciao e Salut!